Ag cabhrú le Marathon an Daingin már pháirt do Chlár Seach-Churaclam na hIdirbhliana do Bliain 5.

Comhghairdeachas lenár bhfoireann rugbaí. Bhí bua iontach ag Coláiste Íde sa chluiche leath cheannais don Junior Cups a bhí ar siúl i Luimneach an tseachtain seo caite. Bhíodar ag imirt i gcoinne St. Joseph’s Borrisoleigh a thug cluiche iontach dóibh agus táimíd thar a bheith buíoch don bhfoireann sin. D’imir gach duine go sár mhaith agus chuir na daltaí go léir fáilte agus fiche rompa nuair a fhilleadar an tráthnóna sin ag a 18.00. An scór deirneach ná 51-17. Beidh an cluiche Ceannais ar siúl ar an 15ú Marta agus táimíd go léir ag súil go mór leis. Go n-éirí leo ar fad!

Ba mhaith linn comhghairdeas ó chroí a ghabháil le Sinéad de Búrca, as bonn airgid a ghnóthú sa chomórtas aithris filíochta in Oireachtas na Samhna 2022 i gCíll Airne. Táimid an-bhródúil aisti! Dhein sí féin agus Hannah Ní Dhubháin agallamh beirte ag an gcomórtas chomh maith. Bail ó Dhia orthu agus as an gcleachtadh ar fad a bhí déanta acu! 

Comhghairdeas ó chroí le Lillian de Cléir, dalta i mbliain 5, a tháinig sa chéad áit sa chomórtas úrnua aithris filíochta, Guth na hÉigse, a bhí mar chuid de fhéile IMRAM i mbliana. Bhuaigh Lillian €300 di féin agus dearbhán €300 do leabharlann na scoile – comhghairdeas leat a Lillian!

Ghnóthaigh Sinéad de Búrca bonn airgid eile i gcomórtas scríobhnóireacht haiku – leagan gearr filíochta atá traidisiúnta sa tSeapáin – a bhí mar chuid de fhéile IMRAM i mBaile Atha Cliath i mí na Samhna. Fuair beirt dalta eile boinn ag an gcomórtas céanna – Derville Ní Loinsigh a fuair a 3ú háit sna sóisir agus Emily Ní Mhathúna a fuair an dara háit sa chatagóir idirmheánach.

Ghlac ana-chuid dár scoláirí páirt sa chomórtas i mbliana: Cáit Ní Laoire Nic Aodh, Lauren Brett, Úna Nic Cárthaigh, Maeve Ní Cheadagáin, Georgina Ní Chiarnáin, Mallaidh Ní Bheóláin Sábhais, Sheila Ní Laoire Nic Aodh, Sarah Nic Carthaigh agus Lillian de Cléir.